कीर्तिमानी आरोही कामीरिता शेर्पा २८ औं पटक सगरमाथामा

भूगाेल संवाददाता
९ जेष्ठ २०८०, मंगलवार १३:३६

काठमाडौं । कीर्तिमानी आरोही कामीरिता शेर्पाले २८औँपटक सगरमाथाको सफल आरोहण गरेका छन् । उनी आज बिहान ९ बजेर २३ मिनेटमा सगरमाथाको शिखरमा पुगेको सेभेन समिट ट्रेक्स प्रालिले जनाएको छ ।

यो सिजनमा उनले दोस्रोपटक विश्वको सर्वोच्च शिखर सगरमाथाको सफल आरोहण गरेका हुन् । उनी यही जेठ ३ गते २७औँपटक आठ हजार ८४८ मिटर अग्लो सगरमाथाको चुचुरोमा पुगेका थिए ।

कामीरिता सेभेन समिट ट्रेक्सबाट आरोहणमा गएका थिए । २८औँपटक सगरमाथाको आरोहण गरेसँगै उनले नयाँ कीर्तिमान बनाएका छन् । उनी सबैभन्दा धेरैपटक सगरमाथा चढ्ने व्यक्ति हुन् । उनीपछि पासाङ दावा शेर्पा छन् । उनले पनि २७ पटक सगरमाथाको सफल आरोहण गरिसकेका छन् । उनले यसअघि कामीरिताको कीर्तिमानसँग बराबरी गरेका थिए ।

यसमा तपाइको मत

Your email address will not be published.


*