राप्ती खोलाको बीच बगरमा अलपत्र मनहरीका ४ जनाको प्रहरीद्वारा उद्दार
हेटौंडा । मकवानपुरको मनहरी गाउँपालिका ५ नं. वडा डिल्लीपुर नजिक राप्ती खोलाको बीच बगरमा अलपत्र स्थानीय ४ जनाको प्रहरीद्वारा उद्दार भएको छ। बुधबार परेको अविरल बर्षाको कारण राप्ती खोलामा बाढी आएपछि खर काट्न गएका स्थानीय एक पुरुष र तिन महिला अन्दाजी बेलुकी ०६:३० बजे खोलाको बीच बगरमा अलपत्र परेका थिए।
उनिहरु ४ जनाको परिचय नखुलेको जिल्ला प्रहरी कार्यालय मकवानपुरले जनाएको छ । प्रहरीका अनुसार उक्त घटना बारे बेलुकी ०७:०० बजे स्थानीयबाट जानकारी पाउनासाथ ईलाका प्रहरी कार्यालय नेवारपानी, ईलाका प्रहरी कार्यालय मनहरी, वागमती प्रदेश विपत व्यवस्थापन गुल्म थानाभर्याङ, सशस्त्र प्रहरी बल १४ नं. गण मु.का.मकवानपुर र नेपाली सेनाको सुपारेटार ब्यारेकबाट प्रहरी गइ राती ०९: २६ बजे सुरक्षीत उद्दार गरिएको थियो।
